State inthlan dawn vangin Parliament session hun sawn dawn

Parliament thlasik ṭhutkhawm, November thla aṭanga neih ṭan ṭhin chu kumina state panga-ah assembly inthlan neih a nih dawn vangin December thlaah sawn a ni dawn nia sawi a ni. Nikum khan Gujarat inthlan avangin Parliament Winter session hi December thlaah ṭan a lo ni tawh bawk.

Cabinet Committee on Political Affairs (CCPA) chu karleh hian ṭhukhawmin, session neih hun tur an ngaihtuah dawn a ni.

Madhya Pradesh leh Mizoram-ah November 28 hian assembly inthlan neih a ni dawn a, Chattisgarh-ah November 12 leh 20, Telangana leh Rajasthan-te chu December 7 hian inthlangin, state panga-a inthlan result hi December 11-ah puan a ni ang.