Goa-a Congress MLA pahnihin BJP zawm

18th October, 2018

Goa-a Congress MLA pahnih Subhash Shirodkar leh Dayanand Sopte te chuan BJP an zawm a, Thawhlehni khan Delhi-a BJP headquarters-ah Union Minister Piyush Goyal-an a lawm lut.

Congress party hi an MLA pahnihten BJP an zawm tak avangin Goa-ah party mala MLA ngah ber a ni ta lo a ni. Party zawm thar MLA pahnihte nen hian BJP chu party mala seat ngah ber niin MLA 16 a nei ta a ni. Rorellai BJP hi Maharashtra Gomantak Party, Goa Forward Party leh independent aṭangin MLA pathumten an thlawp bawk.

Thawhlehni khan MLA pahnihte hian BJP party president Amit Shah chu Delhi-a a chenna inah an kawma, tlai lamah lakluh an ni. Congress MLA zingah pahnih pathum vel chuan BJP hi an la zawm ve leh dawn niin an sawi.