Jaswant Singh-a fapain Congress a zawm dawn

Bharatiya Janata Party (BJP) hruaitu hlun Jaswant Singh-a fapa, Rajasthan-a BJP MLA nilai Manvendra Singh chuan Congress party a zawm dawn.

Manvendra Singh (54) hi kum 2013 assembly inthlanah hian Shoe constituency-ah BJP candidate niin thlantlin a ni. Mahse thla hmasaa rally neihnaah khan BJP a chhuahsan tur thu hi a lo sawilang tawh a ni. Singh chuan BJP-a a lo awm chu a tihsual lian tak a nih thu a sawi.

Congress hruaitute chuan BJP MLA-in an party a zawm tur chuan assembly inthlan neih turah Rajput ho vote tam tak an hui phah dawn niin an sawi. Hetihlai hian BJP chuan MLA hian tlutlukna a siam sual a ni tiin, rorellai party ah nghawng a neih phah dawn lo niin a sawi thung.

Rajasthan Congress Committee president Sachin Pilot chuan Mavendra Singh hi Delhi-ah party president Rahul Gandhi-an Congress party-ah a lawm lut dawn niin a sawi. Mavendra Singh chuan an lo lawm thu sawiin, Congress party pawh a tihchak phah ngei a beisei tih a sawi. Rajasthan-a BJP hruaitu eng emaw zat chu an bang tawh a, hei vang hian BJP chuan an chungah thil thleng hi in enfiah nan an hmang a ngai a ni, a ti.