Delhi boruak 'very poor' category-ah awm tawh

Delhi khawpui chhung boruak chuan bawlhhlawh lam a pan zel a, 'very poor' caterogy-ah a awm tawh.

Central Pollution Control Board (CPCB) chuan khawpui boruak bawhhlawh zelna chhanah motor khu te, construction activity te bakah a chheh vela lo neitute lo hal khu te an tel thu a sawi a, Delhi leh National Capital Region-ah chuan boruak bawlhhlawlh hi a la zual zel dawn niin a tarlang.

Delhi Enviroment Minister Imran Hussain chuan satellite thlalak aṭanga a lan danin lo hal khu a nasa hle a, hei hi tihtawp vat a nih loh chuan India ram hmarlam pum tan pawh a ṭha lo pha dawn a ni, a ti.

Khawpui chhung boruak bawlhhlawh chho zel avang hian Thawhṭanni khan Environment Pollution (Prevention and Control) Authority (EPCA) chuan a venna tura hmalakna turte a lo duang tawh a ni. Heng ruahmanna siamte hi khauh taka kengkawh turin thuneitute pawh hriattir an tih EPCA member Sunita Narain chuan a sawi.

Nilanii khan Delhi Air Quality Index (AQI) hi 315 a ni. AQI 201-300 hi 'poor' category niin, 'very poor' catergory chu 301-400 chin a ni a, 401-500 chu 'severe' a ni.