State pariat police hotuten thawhhona zau zawk neih tum

Ramchhung hmarlam state pariat police hotute leh paramilitary force-te chuan an bial chhunga pawikhawihna thleng ṭhin veng tura thawhhona zau zawk neih an rawt.

Punjab police te buatsaihah Punjab, Haryana, Jammu and Kashmir, Himachal Pradesh, Uttar Pradesh, Uttarakhand, Delhi leh Chandigarh police hotuten "fifth meeting of northern region police coordination committee" an neihah hemi chungchang hi an sawiho. Meeting-ah hian internal security, firfiakte rikrapna thleng ṭhin, state ramri kana firfiakte pawikhawihna thleng, ruihhlo tawlh leh ṭhalaite kawng diklo lama hruaipen an ni ṭhin chungchangte an sawiho bawk.

Punjab Director General Police Suresh Arora chuan boruak muanawm tichhe zawnga pawikhawihna thleng fo avangin state hrang hrang police hotuten meeting an neih ṭhin chu thil pawimawh tak a ni tih sawiin, hmarlam biala firfiaka chetna thleng ṭhin leh hel pawlte do let tur chuan thawhho a ngai a ni, a ti.