Sri Lanka President-in media report pha

Sri Lanka President Maithripala Sirisena chuan media report-in Indian intelligence agency, Research and Analysis Wing (RAW) in thah tumin an phiarru nia a sawi anga an tarlan chu thu dik lo a nih thu a sawi.

Sri Lanka media report ṭhenkhat chuan President Sirisena hian port project pawimawh tak India hnena pek tur a dodal avangin India chuan dahbo a duh a, RAW chuan thah dan tur an ruahman niin a sawi tih an a tarlang a ni.

President Sirisena chuan media report chu thu dik lo a nih thu sawiin, Nilaini khan Prime Minister Narendra Modi pawh a rawn bia a ni. Sirisena chuan media mite chua ram pahnih hruaitute inkarah boruak ṭha lo siam an tum niin a sawi. Modi-a hnenah Sri Lanka sorkar chuan media report dik lote chu a dem takzet tih hrilhin, Sri Lanka-a High Commissioner of India chu Nilaini zing khan meeting a neihpui thu a sawi a ni.

Sirisena chuan Modi chu a ṭhianṭha taka a ngaih thu sawiin, ram pahnihten inzawmna ṭha tak an neih pawh a ngaihlu hle tih a sawi. PM Modi pawhin report dik lo chungchang a hrilfiah chu lawmawm a tih thu sawiin, a ṭhenawm ram nena inzawnma ṭha nei a duh ber a ni thu a lo sawi a ni.