UP CM hlui Tiwari a thi

Uttar Pradesh leh Uttarakhand Chief Minister hlui ND Tiwari chu hun rei tak a dam loh hnuah Ningani tlai khan New Delhi-ah a thi.

Congress hruaitu, kum 93 mi Tiwari hi kum 1986-87 khan Prime Minister Rajiv Gandhi-a hnuaiah minister of external affairs a ni tawh a, Uttar Pradesh Chief Minister atan ṭum thum thlan tlin niin, kum 2002-2007 inkar khan Uttarakhand Chief Minister term khat a chelh bawk. Rorel thiam tak nia sawi

ṭhin a ni a, Uttar Pradesh-a manufacturing industry te an luhna kawngah sulsutu pawimawh tak a ni. Kum 2007-2009 khan Andhra Pradesh governor a ni a, mahse he hna a chelh chhung hian mipat hmeichhiat lamah hmingchhiatna a neih avangin a bang a ni.