Jammu and Kasmir-ah firfiak pathum kaphlum

Jammu and Kashmir-a Kulgam disrict-a Larro bialah nimin zing khan security force-te'n firfiak pathum an kaphlum.

Kashmir chhim lama firfiakte nen an inkahnaah hian sipai pakhatin hliam a tuar bawk.

DGP Dilbag Singh chuan Larro bialah firfiak an awm tih thu an dawn avangin security force-ten beihpui an thlak nghal tih a sawi. Security force-te hian firfiak te awmna nia hriat in pakhat chu an hual a, in chhung aṭangin firfiakte hian rawn kap hmasain an inkap zui ta a ni. In chhunga tawm firfiak pathumte hi kahhlum an ni a, an nihna erawh hriat chian a la ni lo.

Kar kalta Zirtawpni khan security force-te chuan Baramulla-ah firfiak pathum an lo kaphlum tawh bawk a, an kut aṭang hian AK -47 rifle pali leh Haversacks pali an man a ni.