India ramah mi hausa pung chak

Central Board of Direct Taxes (CBDT) chuan kum li kalta chhung khan India ramah kum khata cheng vaibelchhe khat aia tam laluta chhiah pe an pung chak hle a, mi nuai 1.40 zet an tling niin a sawi.

CBDT chuan an chhiah pek aṭanga kum khata cheng vaibelchhe khat aia tam lalut hi kum li kalta chhungin 68% zetin an pung niin a tarlang. Kum 2014-15 chhunga cheng vaibelchhe chuang laluta chhiah pek hi mi 88,649 an awm laiin, kum 2017-2018-ah chuan mi 1,40,139 an tling tawh a ni, a ti.