Kum 2026-ah India ramah smartphone hmangtu tld 1 awm dawn

Deloitte zirchianna neih chuan, kum 2026-ah India ramah smartphone hmangtu mi tluklehdingawn khat an awm tling dawn niin a sawi.

Kum 2021-ah India ramah mobile subscriber tluklehdingawn 1.2 awmin, an zinga maktaduai 750 chuan smartphone an hmang a ni. Thingtlang lamah smartphone hmangtu hi an pung nasa a, hei vang hian kum 2026-ah chuan tluklehdingawn khat tlingin, kum nga chhungin India chu smartphone siamtu lian pahnihna a ni thei dawn niin a tarlang.

Deloitte India-a Partner and Telecom Sector leader, Peeyush Vaish chuan 5G hmang device chu kum 2026-a device hralhchhuah zinga 80% vel a tling thei dawn a, Indian consumer-te chuan kum nga chhungin 5G smartphone maktaduai 840, USD tluklehdingawn 130 hu vel an lei dawn a ni, a ti.