Seoul Peace Prize 2018 dawng turin PM Modi thlang

Prime Minister Narendra Modi-a chu 'Modinomics' kaltlanga India bakah khawvel huapa economy lama hmasawnna tura a thawh hlawk avang te, khawvela remna leh muanna a awm theihna tura a hmalakna te, human development atana a thawhna leh India ram democracy tichak tura a thawhna avangin Seoul Peace Prize 2018 dawng tura thlan a ni.

Seoul Peace Prize Committee chuan award dawng tura PM Modi a thlan thu sawiin, Ministry of External Affairs chuan committee chuan PM Modi-an eirukna dona leh pawisa note lian a tithih hmanga sorkar ṭha leh thianghlim zawk siam tura a hmalakna chu a fak thu a sawi.

PM Modi hi he award dawngtu tur 14-na a ni a, hun remchangah Seoul Peace Prize Foundation chuan award hi a hlan dawn a ni. He award lo dawng tawh zingah hian UN Secretary General hlui Kofi Anna, German Chancellor Angela Merkel leh international relief organization Doctors Without Borders leh Oxfam te pawh an tel a ni. Khawvel ram hrang hrang aṭanga he award dawng tura candidate za chuang hming rawtte chu ngun taka enfiah leh zirchian an nih hnuan, Award Committee chuan kumina he chawimawina dawng tur hian Prime Minister Modi hi a thlang ta a ni.