Missile defence system contract Israel Aerospace in chang

Israel Aerospace Industries (IAI) chuan Indian navy-te hnena LRSAM air leh missile defence system supply-na tur, dollar maktaduai 777 hu contract a hmu niin nimin khan a sawi. He contract hi project-a main contractor, Bharat Electronics Ltd (BEL) nen siam a nih thu IAI chuan a tarlang.

LRSAM hi Barak 8 family zinga mi niin, Israel leh India navy, air leh land force-ten air and missile defence system an hman ṭhin hi a ni. He inremna an siam thar nen hian Barak 8 hralhna man hi dollar tluklehdingawn 6 a tling dawn niin IAI chuan a sawi.

IAI Chief Executive Officer Nimrod Sheffer chuan IAI leh India chuan hun rei tak aṭangin thawhdunna ṭha tak neiin, system tihhmasawnna leh siamchhuahna kawngah an lo thawkdun tawh ṭhin niin a sawi.

India leh Israel ram pahnih hruaitu ten thawhdunna thuk leh zau zawk siam an lo tiam tawh a, a bikin agriculture leh advance technology field lamah thawhdunna huang zauh an tum a ni. Israel hi India rama ralthuam supply tu lian zingah a tel bawk. Nikum khan IAI hian Indian army leh navy te hman tur missile defence system supply-na tur, dollar tluklehdingawn 2 hu contract a hmu tawh bawk a, hemi hnu hian Indian navy-te lawng pali-a Barak 8 surface-to-air missile system supply-na tur, dollar matkaduai 630 man contract chu BEL nen an siam leh bawk a ni.