2020 April aṭangin BS-VI motor chauh hralh phal dawn

Supreme Court chuan kum 2020, April 1 aṭangin ramchhungah Bharat Stage VI (BS-VI) motor chauh hralhchhuah a ni tawh dawn tih sawiin, hemi hnuah chuan BS-IV emaw, BS-VI non-compliant vehicle te chu hralh theih a ni tawh lo ang, a ti.

Bharat stage emission standards (BSES) hi sorkarin motor aṭanga khu tihchhuah theih chin khuahkhirhna siam tura a duan a ni.

Kum 2016 khan sorkar laipui chuan kum 2020-ah BS-V norms chu hmang tawh loin, BS-VI norms hman a ni tawh zawk dawn niin a sawi.

Supreme Court chuan tuialhthei thianghlim zawk leh khu tichhuak nasa lo zawk hman a ṭul tawh thu sawiin, sorkar laipuiin hun bithliah siam thla tuma pawtsei tura a ngenna pawh a hnawlsak a ni. Kumin April thla aṭang khan Delhi-ah chuan BS-VI grade petrol leh diesel, 'ultra-clean' fuel tih chu lei theihin a awm ṭan tawh a, he fuel hian motor-in khu a tihchhuah chu 10-20% velin a tinep thei a ni.