PM-in sumdawngte insawisel siak ṭhin duh lo

Prime Minister Naren-dra Modi chuan industry leh sumdawngte insawisel siak ṭhinna culture chu a duh loh thu sawiin, sumdawngte hian an sumdawnna thil bakah khawtlang tana thil ṭha tam tak an ti bawk a ni, a ti.

PM Modi chuan ram mipuite chu an chhiahte ṭha taka pek ringawt duh tawk lo a, khawtlang nun siam

ṭhatna kawngah pawh an theih anga tha thawh turin a sawm bawk. India ramah sumdawngte sawisel leh tihel te chu intihhmuh leh ngaiah neih a ni a, hetiang a nih chhan hi a hriatthiam loh thu leh, a remtih pui ve loh thu a sawi.

Modi hian sumdawngte thlavang hi a hma pawhin a lo hauh tawh a, July thlaa thu a sawinaah sumdawngte chuan ram hmasawnna tura an thawhhlawk avangin heng ho nena an hmuh dun ṭhin pawh a hlauh loh thu a lo sawi tawh a ni. A kaihhruai sorkar hnuaiah mipuite chuan an chhiah pekkhawmte chu dik taka hman a ni dawn tih an rin avangin chhiah pe pawh an pe ṭha chho zel tih a sawi bawk.