Delhi CM leh AAP MLA 12-te bail dilna remtihsak

Delhi High Court chuan kumin kumtir lama Delhi Chief Secretary Anshu Prakash kutthlakah puha thubuai siamsak, Delhi Chief Minister Arvind Kejriwal leh rorellai Aam Aadmi Party (AAP) MLA 12-te bail dilna chu nimin khan a phalsak.

Kumin February 19 khan Chief Minister official residence-a meeting neih laiin Prakash chuan rorellai MLA te hian kut an thlak niin a puh a ni.

High Court chuan chief secretary kutthlaka puh, AAP MLA te hi Rs 50,000 dahkham tirin bail an dilna a remtihsak a, MLA pahnih Amantullah Khan leh Prakash Jarwal-te chu a hmain bail an dilna hi phalsak an lo ni tawh a ni.

CM Kejriwal leh a deputy Manish Sisodia te chu IPC section 120B (Punishment of criminal conspiracy) leh 353 (assault or criminal force to deter public servant from dis-charge of duty) hnuaiah thubuai siamsak an ni a, MLA dang thubuai siamte chu Amanatullah Khan, Prakash Jarwal, Nitin Tyagi, Rituraj Govind, Sanjeev Jha, Ajay Dutt, Rajesh Rishi, Rajesh Gupta, Madan Lal, Parveen Kumar leh Dinesh Mohania te an ni.