RSS hotuin India siam damdawi chauh lei turin ngen

Rashtriya Swayamsevak Sangh (RSS) chief Mohan Bhagwat chuan mipuite chu ram pawn lama siam damdawi an lei ṭhin titawp a, India rama siam chauh lei tawh turin a ngen.

Ningani-a Maharashtra-a Siddarth Hospital and Research Center-a Neuro Navigation System a hawnnah he thu hi sawiin, Bhagwat chuan hriselna leh zirna chu chaw, thawmhnaw leh awmna tur ang bawka pawimawh a ni chho tawh a ni, a ti.

Ramchhunga doctor tam tak chuan thingtlang lam biala hospital-a thawh aiin, khawpuiah private hospital hawnte an thlang zawk fo a, hei vang hian thingtlang miten damdawi lama inekawlna ṭha an neih theih loh phah a ni, a ti. Thingtlang miten damdawi lama inenkawlna chi hrang hrang an neih theihna dan ngaihtuah a hun hle a ni ti bawk.