Kar 1-a hri kai hmuh chhuah nuai 1 hnuai lamah tla thla

India rama Covid-19 hri leng thawh thumna a thlen aṭanga thla hnih a liam hnuah, hri leng a ziaawm tawh hle. Kum 2021, December 28 hnua a ṭum khatna turin Pathianni khan hri kai thar 10,00 hnuai lamah a awm.

Kar liam ta, February 21-27 chhunga hri kai thar chu 86,000 chuang awrh niin, kar kua hnuah kar khat chhunga hri kai thar nuai khat hnuai lama a awmna a ni.

Kar thum chung chu kar tina hri kai thar zat hian tlakhniam lam a pan tawh a, hri leng thawh thumna pawh a reh dawn hnai tawh niin a lang. Kar liam ta chhunga hri kai thar hi a kar hmasa aiin 50% in a tlahniam a, hemi chhunga hripui vanga thi zat pawh a hmasa aiin 43% in an tlem zawk bawk.

February 21-27 chhunga Covid-19 thihpui hi ram pumah 1,074 awmin, a kar hmasa khan 1,899 an awm. January 31-February 6-a hripui thihpuiin a peak a thlen ṭum, kar khata mi 4,355 zetin an thihpui hnuah kar thum chhung chu kar tina hripui vanga thi zat hi an tlahniam tawh a ni.