Sabarimala temple : Hmeichhe luh duhloha nawrh huaihawt mi 3,346 man

Supreme Court-in Kerala-a Sabarimala temple-a hmeichhe luh phalsak avanga lungawi lohna lantir a, hmeichhe luh tumte lo dangtu mi 3,345 zet chu man an ni awh a, police station hrang hrangah thubuai 517 ziahluh a ni tawh bawk.

Pathianni zing khan Sabarimala tantri family member leh activist Rahul Eashwar pawh man a ni a, Kochi-ah hruai nghal a ni. Eashwar hi kar hmasaa Kochi-a press conference a neihah thu huatthlala tak tak a sawi nia complaint thehluh a nih vangin police-te hian an man a ni.

Police-te chuan October 26 aṭang khan temple-a hmeichhe luh duh loha nawrh huaihawt mi 3,000 chuang man ni tawh mah se, an zinga a tam zawk hi chhuah leh nghal niin, mi 122 chu hren zui an la ni, an ti.