TN sorkarin halpuah hal theih hun pawt sei turin ngen

Tamil Nadu sorkar chuan Supreme Court-in Diwali huna halpuah leh halmawi hal theih hun bithliah a siam chu pawtsei turin nimin khan court-ah ngenna a thlen.

Kar hmasa khan Supreme Court chuan sakhaw kut pawimawh hrang hrangah halpuah/halmawi hal ṭhin chungchanga petition thehluhte ngaihtuahin, boruak tibawlhhlawh tlem leh bengchheng nasa siam lo chi, 'green cracker' chauh hal a remti. Court chuan halpuaha barium salt awmna leh ri bengchheng tak siamte chu khap an nih thu a sawi a ni. 

Hei bakah hian halpuah/halmawi hal theih hun chhung pawh bithliah a siam nghal a, Diwali leh sakhaw festival dangah chuan zan dar 8-10 inkarah chauh hal a remti a, Krismas leh Kumhlui thlah zanah chuan zan dar 11.45 leh 12.45 inkarah hal a phalsak bawk.