RBI governor-in demonetisation chungchang sawifiah dawn

Reserve Bank of India (RBI) governor Urjit Patel chuan November 12 hian parliamentary panel hmaah sorkar laipuiin kum hnih liamtaa pawisa note lian pahnih a tih thih chungchang a sawifiah dawn.

Member 31 awmna, Parliamentary Standing Committee on Finance hian pawisa tihthih chungchang hi kum hnih dawn a lo buaipui tawh a, tun ṭum hi RBI governor a koh vawi thumna a ni. He committee hi Union Minister Veerappa Moily kaihhruai niin member zingah hian prime minister hlui Manmohan Singh pawh a tel.

Sorkar laipui chuan kum 2016, November 8 khan Rs 500 leh Rs 1,000 note a tithi a, a hnuah Rs 500 leh Rs 2,000 note thar a tichhuak a ni.

Committe chuan November 12 hian Patel hi pawisa note lian pahnih tihthih a nih chan leh, hei hian eng angin nge nghawng a neih tihte committee member-te hrilhfiah turin a ko a, hei bakah hian Unregulated Deposit Schemes Bill leh a kaihhnawih thil dang khap a nih chungchang pawh a sawifiah nghal ang. Patel hian kumin January thla leh nikum July thla khan demonetisation chungchang hi committee-ah hian a lo sawi tawh a ni.