Sushma Swaraj leh Qatar lal inkawm

External Affairs Minister Susma Swaraj-i leh Qatar lal Sheikh Tamim Bin Hamad Al-Thani te chu nimin khan Doha-ah an inkawm a, ram pahnihten thawhdunna ṭha zawk an neih theih dan turte an sawidun.

Swaraj-i hi ni li chama Qatar leh Kuwait tlawh turin Pathianni khan a zin chhuak a ni. Tun ṭum hi Indian External Affairs Minister-in Qatar a tlawhna hmasa ber a ni.

Qatar-ah hian ni hnih chamin, Doha-a India mi awmte nen hun an hmang ho bawk.

Ministry of External Affairs (MEA) chuan ram pahnihte hian inzawmna ṭha leh nghet tak an nei tih sawiin, kum 2015-ah Qatar Emir-in India a tlawh te, kum 2016 December thlaa Qatar Prime Minister-in India a tlawh leh, kum 2016 June thlaa Prime Minister Narendra Modi-an Qatar a tlawhte khan an inzawmna hi a a tinghet zual niin a sawi.

Qatar-ah hian India mi nuai sarih vel an awm mek. Energy sector lama India innghahna pawimawh tak niin, India-in natural gas a lakluh zinga 50% chuang hi Qatar in a supply a ni.