Kashmir Valley-a sniper lut nia sawi Army-in chhui dawn

Indian Army chief General Bipin Rawat-a chuan Kashmir Valley-ah defence mi leh sate bei turin sniper an lut nia sawi chungchang chu Army chuan a chhui chiang dawn tih a sawi.

September thla laihawl aṭang khan Kashmir-ah hian Jaishe-e-Mohammed firfiak pawla an sniper-ten defence mi leh sa pathum an kaphlum tawh a ni. Hei vang hian Pakistan firfiak pawlten an beihna thleng ṭhin lo dang tura nasa zawka hma la turin law enforcement agency-te hi nawr an ni.

An mi leh saten beih an tawh chungchang hi sawichhuakin, Army chief chuan sniper-te kahhlum ngei an ni em tih an zirchiang mek tih a sawi. Hemi rual hian sniper te tih ni kher lo mah se pawikhawihna thleng chu zirchian zel an tum tih a sawi. Ramri kanin sniper-te an rawn lutru nia sawi chungchangah a finfiahna erawh an la hmu lo tih a sawi.