Japan aṭangin PM Modi a lo haw

Prime Minister Narendra Modi chu ni hnih chama Japan-a a zin hnuin nimin zing khan Delhi a rawn thleng leh ta.

PM Modi hian Japan-a a cham chhungin Japan Prime Minister Shinzo Abe nen inkawmin, ram pahnihte thawhdunna tura inremna thuthlung pawimawh tak paruk an ziak a ni.

Ram pahnih hruaitute hian bilaterial summit vawi 13-na an neih hnuah defence leh development project lama thawhdunna tur pawimawh tak an puang a ni. Defence lamah inzawmna nghet tak neih a nih theihna atan ram pahniha Foreign Minister leh Defence Minister-te tan 22 dialogue neih an remti.

Summit neih zawh hnua thuchhuah intawm an siamah, India leh Japan chuan Pakistan ram chu kum 2008 November thlaa Mumbai beitu leh kum 2016 January thlaa Pathankot beitu Pakistan firfiakte chu hremna pe ngei tura an phut thu an tarlang.