Gandhi aia a zirtir lim siam a nih chungchang zawt

Congress hruaitu Shashi Tharoor chuan BJP-in cheng vaibelchhe tam tak senga India Hnam Pa, Mahatma Gandhi aia a hnungzuitu, Sardar Vallabhbhai Patel-a lim an din chhan a zawt.

BJP hian Gujarat-ah Patel-a lim hi meter 182 zeta sangin an siam a, khawvela milim sang ber a ni. He milim siamna atan hian cheng vaibelchhe 2,389 zet sen a ni.

Thiruvananthapuram-a district Congress office-a inkhawmna neihah, Shashi Tharoor chuan Patel-a lim hawn tak anga lian hi India ram chhungah Gandhi-a lim a awm lo tih a sawi. "Gandhi-a lim lian ber chu Parliament-ah a awm a, mahse tunah chuan a zirtir, a hnungzuitu lim chu meter 182 zeta sanga siam a ni. Engvangin nge hetianga lian Gandhi-a lim hi ramchhungah a awm loh laia a zirtir lim heti zeta liana siam anih?" tiin a zawt. Patel chu Gandhi-a hnungzuitu mawlmang taka awm tia hriat ṭhin a ni, a ti.

Tharoor chuan BJP chuan Mahatma Gandhi lim lian tak an din ve loh chungchang zawhna awmte chu a chhanna tur an nei lo niin a sawi a, a chhan chu Mahatma Gandh-a thuthlung, tharum thawhna tello tih chu an ring ve lo a ni, tiin a sawi. BJP chuan ram zalenna sualtute leh mi ropuite chu an party tihropuina tura lo hijack-ah a puh bawk a, an party chuan chawimawi tlak hruaitu an nei lo a ni, a ti. Patel-a chu Congress hruaitu niin, Gandhi nenCongress party tihchakna turin theihtawpin an thawk a, hei hi an hrereng tih Tharoor chuan a sawi bawk.