CBI-in UP-a Assistant Teacher 68,500 lak dan chhui dawn

Uttar Pradesh Chief Minister Yogi Adityanath-a kaihhruai BJP sorkarin assistant teacher 68,500 a lak danah thil dik tawk lo a awm nia sawi a nih avangin Allahabad High Court Lucknow bench chuan Central Bureau of Investigation (CBI) chu chhui chiang turin a ti.

Recruitment exam hi kumin May 27 khan state chhunga division 18-a centre 248 ah neih a ni a, August 13-ah result tihchhuah a ni. Result tihchhuahah exam-naa fail candidate 21 te chu tlingah puan tel an ni a, anni bakah candidate pahnih, exam ve lo pahnih pawh a tling zingah an tel bawk.

Zirtirtu lak danah thil fel tawk lo a awm tih sawiin Sonika Devi leh midangte chuan court-ah petition an thehlut a, Justie Irshad Ali chuan a thu thehluh chu a rintlak tawk nia ngaiin CBI chuan hemi chungchang chhuichiang tur hian hrilh an ni tih a sawi.

Court chuan CBI chu thla khat chhunga an thil chhuinaa hma an sawn dan report thehlut tur leh, thla ruk chhunga a chhui hna zo fel turin a ti.