Odisha-a khawpui paruk-ah polythene hman khap

Odisha sorkar chuan khawpui lian paruk-ah polythene leh plastic bag hman a khap.

Sorkar thupek angin khawpui paruk - Bhubaneswar, Cuttak, Berhampur, Sambalpur, Rourkela leh Puri-ahte plastic item, micromax 50 aia pante chu hman khap a ni. He khapna hi state sorkar chuan khauh taka kalpui a tum a, tualchhung thuneitute pawh he khapna thu hi ṭha taka kalpui tura hriattir an nih thu Environment Director-cum-Special Secretary, K Murugesan chuan a sawi.

Khapna thupek palzut chhungkuate chu ṭum thum- Rs 200, 500 leh 1000 thleng chawitir an ni ang a, a palzut lui zel a nih chuan thubuai siamsak theih an ni ang. Dawr te pawh Rs 500, 1,000 leh 2,000 thleng chawitir theih an ni dawn a, restaurant neitute chaun Rs 1,000, 2,000 leh 5,000 thleng an chawi thei dawn bawk. Ṭum thum aia tam an palzut chuan trade licence cancel sak theih a ni ang.

Hotel te pawh he dan hi an bawhchhia a nih chuan Rs 2,000, 10,000 leh 50,000 chawitir an ni ang a, industry leh commercial establishment te chu Rs 2,000 aṭanga 50,000 thleng chawitir an ni bawk dawn a ni.