J&K-ah Hizbul Mujahideen firfiak pahnih kaphlum

Jammu and Kashmir-a Shopian district-ah Inrinni zan khan security force-ten Hizbul Mujahideen firfiak pahnih an kaphlum.

Inrinni zan khan security force leh firfiakte hi Khudpora khuaah an inkap a, firfiak pahnih hi an kaphlum a ni. Hizbul Mujahideen firfiak kah hlumte hi Mohd Irfan Bhat leh Sahid Mir te an ni tih hriatchian a ni tawh. Firfiak pahnih chu an tlanchhuak hman a, an inbeihna hmun aṭang hian silai leh a mu eng emaw zat man a ni bawk. 

Security force-te hian Khudpora bialah firfiak an awm tih thu an dawn avangin Inrinni khan beihpui an thlak nghal a ni.