Sabarimala temple-ah police 1,500 duty tir

Kerala-a Sabarimala-a Lord Ayyappa temple chu vawiin hian hawn a ni leh dawn a, buaina a chhuah venthawn thilah police 1,500 zet duty tura dah an ni.

Sarabimala temple-a hmeichhia kum 10-50 luh khapsakna chu Supreme Court chuan a lo hnawlsak tawh a, he khapna hnawl a nih hnua temple hawn hmasak ber, October thlaah khan Lord Ayyappa zuitu mi tam tak chuan hmeichhia luh phalsak an nih hi duh loin temple bulah nawrh an huaihawt a, hmeichhiate an lo dang bawk.

Kerala police-te chuan Sabarimla leh a chhehvel bialah police 1,500 duty tir an nih thu leh, an zinga 100 chu hmeichhia an nih thu an sawi. Hei bakah hian Sannidhanam, Nilackal leh Pamba-ah member 20 awmna commando team dah an ni bawk a ni.

October thlaa temple hawn anih ṭum khan Lord Ayyappa zuitute chuan temple complex leh a chhehvelah lungawi lohna lantirin tharum thawhna pawh a thleng zui a, hmeichhia luh tumte an lo dang bawk. Temple-a hmeichhe kal tumte chu an lo dan avangin an kal lui ngam ta lo a ni.

State sorkar chuan temple-a hmeichhe luh dodaltu lian ber, Nair Service Society (NS) chu inbiakna neihpui a tum thu a sawi.