Ukraine aṭangin darkar 24 chhungin India mi 1,300 hruai chhuak

Sorkar laipui chuan indo thlen mekna, Ukraine rama India mi awmte hruai chhuah hna thawk mekin, darkar 24 liam ta chhung khan mi 1,377 hruai haw an nih thu nimin khan khan external affairs minister S Jaishankar chuan a sawi.

Jaishankar chuan Thawhṭanni khan flight paruk hmangin Ukraine-a tangkhang, India mi 1,377 hruai haw an ni a, a vawi khatna atan Poland aṭang pawhin thlawhtheihna hi Ukraine-a India mi awmte hruai haw hna kalpuina, Operation Ganga hnuaiah hian India chuan tun ni thum chhung hian flight 26 chuang a thlawh tir dawn a ni. Ukraine airspace khar a nih avangin a ṭhenawm ram - Romania, Hungary, Poland, leh Slovak Republic-a airport-te chu India mi hruai chhuahna atan hman an ni. Indian Air Force chuan Operation Ganga kaltlangin Romania-ah C-17 aircraft a tir ve tawh bawk.

Foreign secretary Harsh Vardhan Shringla chuan Ukraine khawpui Kyiv-ah India mi an awm tawh lo tih a sawi. Hetih lai hian Ukraine ram chhungah zirlai tangkhang 16,000 vel an awm mek.