Ram pawna medicine zir chhuak 90%-in India-ah qualifier an paltlang lo : Minister

Minister of parliamentary affairs Pralhad Joshi chuan Indian zirlai, ram pawna medicine zirchhuak zinga 90% vel chuan India rama medcial examination an patlang zo lo tih a sawi.

Minister chuan ram danga medical lam zir tura chhuak zinga 60% te chu China, Russia leh Ukraine lamah an kal thu leh, an zinga a tam zawk chuan China-ah an zir thu a sawi. Heng ramah hian MBBS course zirna senso atan Rs nuai 35 vel an sen ṭhin thu sawiin, hei hian kum ruk chhunga an zirna senso bakah nitin khawsakna, coaching leh India ram an kir hnuah screeting test tihna tur thlengin a huam a ni. Hetih lai hian India ram chhugnah chuan MBBS course zo tur hian Rs nuai 45-55 vel emaw, a ai tam emaw a ngai ṭhin a, hei hian private college-a tuition fee chauhte a huam tel a ni, a ti. Ram chhunga MBBS course zirna hautak lutuk vangin zirlai tam takin ram pawn lamah zir turin an chhuah phah nia a lan thu a sawi.

Joshi chuan he thu a sawi rual hian, ram pawn lama medicine lam zir tura zirlai tam tak an kalchhuah chungchang chu sawiho hun erawh a la ni lo tih a sawi. Russia-in a run avanga Ukraine-a Indian zirlai tangkhang mek zinga tam tak chu medicine zirlai an ni.

Report tarlan danin, kumtinin ram pawn lamah medical student 20,000-25,000 vel an chhuak ṭhin. Mahse India ramah eizawnna atana an hman dawn chuan NEET entrance examination an palltang ve leh a ngai a ni.