Karnataka by-election ah Congress-JDS ṭangrual chak

Karnataka state-a by-election neihah Congress leh Janata Dal (Secular) thawkdun chuan seat panga-ah seat pali an la a, BJP in seat khat a la.

Karnataka Chief Minister, JDS hruaitu HD Kuramaswamy-a nupui Anita-i chu Ramanagara Assembly seat-ah vote nuai khat chuangin a chak a, Congress candidate Anand Nyamagouda chu seat singthum chuangin Jamkhandi Assembly seat-ah a chak bawk. JDS member LR Shivarame Gowda leh Congress member VS Ugrappa te chu Mandya leh Bellary Lok Sabha bialah an chak. BJP candidate chuan Shimoga LS seat an la hum bawk a ni.

By-election-ah hian candidate 31 an awm a, an zinga panga chu BJP candidate niin, JDS in pathum leh Congress in candidate pahnih an nei a, a dangte chu independent an ni. By-election result hian nakkuma Lok Sabha inthlanpui neih turah pawh nghawng a neih rin a nih bakah, Congress leh JDS thawhdunnaah pawh nghawng ṭha zawk a thlen rin a ni.