QRSAM hlawhtling takin enchhin

Defence Research and Development Organisation (DRDO) chuan Thawhlehni khan Quick Reaction Surface to Air Missile (QRSAM) chu a ṭum hnihna atan hlawhtling taka enchhin a nih thu a tarlang.

QRSAM hi Thawhlehni tlai dar 3:42 khan Odisha-a tuipui kam hrula Chandipur-a Integrated Test Range aṭangin hlawhtling takin test ṭum hnihna neih a ni. QRSAM hi defence system a nih angin, vansang aṭanga hmelmaten an beih theihna tur hmanruate lo kap thla thei tura duan a ni.

Thawhlehnia enchhinna neihah hian QRSAM hian a target tak a fuh a, hei vang hian test neih hi a hlawhtling thawkhat hlea ngaih a ni. November 13 khan test ṭum khatna chu neih a lo ni tawh a, kha mi ṭum khan QRSAM-a Radar leh Missile chuan direct-in pilotless aircraft chu a la kap chhe tawh bawk a, QRSAM-a Radar leh Missile theihna chu hlawhtling taka enchin a lo ni tawh a ni.

QRSAM enchhin ṭum hnihna hi hlawhtling taka neih theih a nih vangin union defence minister Rajnath Singh chuan DRDO-te chungah lawm thu a sawi a, India chuan ralthuam neih ṭhat lamah hma a saw