Modi-a'n Joe Biden lawmpuina a hlan

Prime minister Narendra Modi chuan a vawi khat nan US president atana thlan thar, Joe Biden chu Thawhlehni zan khan phone-a biain lawmpuina thu a hlan.

Phone hmanga an inbiaknaah hian PM Modi chuan India leh US hmalakna tur hrang hrangte sawi lan a nih thu a sawi a, hei bakah hian Covid-19 dona kawnga thawhdun dan tur chungchangte leh, sik leh sa inthlak (climate change) chungchanga hmalakna turte leh Indo-Pacific region-a ram pahnihte thawhdunna turte chu PM chuan a sawipui thu a sawi bawk. 

Biden bakah hian Modi chuan vice president tur Kamala Harris chu lawmpuina a hlan bawk a, a hlawhtlinna chu Indian-American community-te tana chhuan tham leh entawntlak a nih thu a sawi.