India ramah hri kai mi 6,396 awm belh leh

India ramah Ningani khan coronavirus kai thar mi 6,396 awm belh lehin, ramchhunga hri kai tawh zat chu mi 4,29,51,556 an ni a, hri kai mek, active case chu 69,897 ah a tlahniam tih Union Health Ministry data, nimin zinga tihchhuah chuan a tarlang.

Ningani hian Covid-19 vanga thi mi 201 awm belhin, thihpui tawh zat chu mi 5,14,589 an ni. Nitina hri kai zat chu ni 26 chhung a zawnin nuai khat hnuai lamah a awm tawh a ni.

Hri kai tawh zat aṭanga chhutin hri kai mek zat chu 0.16% niin, Covid-19 dama puan tawh zat chu 98.64% in a sang chho leh bawk. Darkar 24 chhungin hri kai mek mi 7,255 in an tlahniam.

Nitina hri kai zat, daily positivity rate leh kartina hri kai zat, weekly positivity rate chu 0.69% leh 0.90% a ni.

Ramchhungah vaccine dose vaibelchhe 178.29 chuang semchhuah tawh a ni tawh bawk.