Sorkarin One Stop Centres 500 siam belh dawn

Sorkar laipui chuan hmeichhe kutthlak tuarte ṭanpuina tura a siam, One Stop Centres (OSCs) chu 500 dang siambelh a tum.

Kum 2015 aṭang khan Nirbhaya Fund hnuaiah OSC hi 232 siam a ni tawh a, sorkar laipui chuan ramchhunga district zawng zawngah din a tum a ni. OSC-ah hian hmeichhia kuttuarte ṭanpui tur hian police assistance, psycho-social counselling leh ni nga chhung an awmna tur lo pek ṭhin an ni.

Women and Child Development ministry senior official chuan ramchhunga district 718-ah OSC hi din vek an tum tih a sawi a, centre 232 din ni tawhin a bak 536 dinna tur pawh hi pawm a ni tawh a ni, a ti.

National Commission of Women (NCW) pawhin rampumah OSC scheme kalpui dan hi zirchiangin, an thawk ṭha tlang hle niin a sawi.