Delhi-ah truck tlan luh khap

Diwali festival lawmna halpuah leh halmawi halin Delhi khawpui boruak a tihbawlhhlawh belh avangin a bawlhhlawh zual zel tur venna kawng khat atang Ningani aṭanga Pathianni thlengin khawpui chhungah motor lian, truck tlan luh khap a ni.

Diwali zawh hnuah Delhi air pollution level hi 'severe plus catergory' thlengin, hei hi a him tawka ngaih aiin a let sawm zetin a sang a ni. Diwali lawmna atana halpuah hal theih hun hi Supreme Court chuan zan dar 8 - 10 inkar bithliah mah se, court-in a phal chin bakah hal lui an tam hle.

Ningani khan Supreme Court ruat Environment Protection Authority chuan khawpui boruak hi ngun takin an zirchiang mek tih sawiin, pollution level hi a sang zel a nih chuan emergency-a hmalak pawh a ngai maithei niin an sawi.

Delhi sorkar chuan Ningani zan dar 11 aṭang khan Pathianni zan dar 11 thleng truck tlanluh hi a khap a, border entry point hrang hrangah Delhi Traffic Police te chuan heavy leh medium goods vehicle dang tura police eng emaw zat an dah. Nitina khawsakna atana mamawh phurtute erawh chu ngaihnathiam an ni thung.

Municipal corporation-te chuan kawngpui khu lutukte chu tuiin an phuh a, North Delhi Municipal Corporation (NDMC) pawhin Delhi University North Campus-a thingkungte chu tuiin an phuh bawk.