Sorkarin kum khat chhungin hmun hming 25 thlak phalsak

Sorkar laipui chuan kuum khat chhungin ramchhung hmun hrang hrangah khua leh hmun hming 25 thlak a remtihsak.

Tunhnaia khaw hming thlak thar ber chu Allahabad, leh Faizabad te Prayagraj leh Faizabad tih thlak te an ni a, mahse Union Home ministry chuan Uttar Pradesh sorkar ṭangin heng khaw hming thlak rawtna hi an la dawng lo niin a sawi. Hetihlai hian hming thlak rawtna hrang hrangte chu tihkhawtlai ala ni a, tihkhawtlai zingah hian West Bengal state hming 'Bangla' tia thlak rawtna pawh a tel.

Sorkar laipuiin a pawmpui hming thlak zingah hian Andhra Pradesh-a East Godavari-a Rajahmundy khua Rajamahendravaram tia thlak te, Odisha-a Outer Wheeler ni ṭhin APJ Abdul Kalam island tih te, Haryana-a Jind district-a Pindari khua Pandu-Pindara tih te, Nagaland-a Kiphire district-a Samphur khua Sanphure tihte an tel. Hei bakah hian Maharashtra-a Sangali district-a Landgewadi khua Narsinhagaon tia thlak leh rawtna pawh pawm a ni tawh bawk.

West Bengal sorkarin an state hming 'Bangla' tia thlak rawtna, home ministry hnena thlen chu ministry chuan state hming thlak tumna hi ṭhenawm ram, Bangladesh ram hming nen a inang deuh avangin Ministry of External Affairs ngaihdan a zawt ve leh mek a ni.