EC-in candidate statement dik lo pe te hremah vau

Election Commission of India (EC) chuan inthlan neih tura candidate leh political party-te chu thubuai an neihte an puangzar lo a nih chuan Supreme Court thupek zah loa puh theih an ni tih a sawi a, hei bakah hian statement dik lo pe te pawh hrem theih an ni ang, a ti.

Candidate leh party-te tan hian heng thil bik tarlanna tur format hran hi pek an ni. Mahse an puangzar lo a nih chuan a hnuah hrem theih an ni dawn a ni.

Supreme Court chuan candidate leh an awmna party-te chu inthlan hmain vawi thum tal thubuai an neihte puangzar turin a ti a ni. He thupek hian assembly inthlan neihna tur - Rajasthan, Madhya Pradesh, Chhattisgarh, Mizoram leh Telangana assembly candidate zawng zawng a huam. Party-te hnenah pawh an website-ah upload tura tih an ni bawk.

Candidate zingah statement dik lo pe an awm chuan, Election Commission chuan Indian Penal Code Section 171 (G) hnuaiah a hrem thei bawk a ni.