Ram hruaituten Nehru-a zahna hlan

India ram prime minister hmasa ber Jawaharlal Nehru-a piancham vawi 129-na pualin nimin khan ram hruaitu hrang hrangten zahna an hlan.

Jawaharlal Nehru hi kum 1889, November 11 khan Uttar Pradesh-a Allahabad-ah a piang a, India Prime Minister hmasa ber niin kum 1964-a a thih thleng khan he dinhmun hi a chelh. A piancham, November 14 hi ram pumah naupangte ni, Children's Day atan hman a ni.

President Ram Nath Kovind, Prime Minister Narendra Modi, Congress hruaitu Sonia Gandhi leh hruaitu dang dangten Nehru zahna an hlan. President hlui Pranab Mukherjee, vice president hlui Hamid Ansari, PM hlui Manmohan Singh leh Sonia Gandhi-ten Shantivan-ah Nehru zahna pangpar an hlan. Shantivan-ah hian Nehru piancham pual hian school naupangte hian hla te sa in tricolor balloon te chhuah a ni bawk.

President Kovind chuan a official twitter-ah India PM hmasa ber Nehru chu hriatreng a nih thu a awi. PM Modi pawhin Nehru-an India zalenna tura a beihna leh, PM a nih chhunga ram tana a tha thawhte hriatreng a nih thu a sawi.