Bihar education minister a bang leh nghal

Bihar chief minister Nitish Kumar kaihhruai NDA sorkar thara education minister, Mewalal Choudhary chu lakluh a nih aṭanga ni thum hnuah a bang leh  nghal. 

Thawhṭanna khan Choudhary hi minister atan rinawmna thu tiam tira lakluh a ni. Mahse lakluh a nih hnuah eptu pawl, Rashtriya Janata Dal (RJD) chuan kum 2017-a Bhagalpur agriculture university-a vice-chancellor a nih laia dik lo taka thil thleng chungchang an rawn sawichhuak leh a, hei vang hian minister hian banna a thehlut leh ta a ni. 

Choudhary hi Bhagalpur agri­culture university vice chancellor a nih laiin, assistant professor leh junior scientist lak thar chungchangah thil fel tawk lo a awm nia sawi a ni. 

Hei vang hian hetih laia Bihar governor, Ram Nath Kovind chuan Choudhary lakah criminal case a thehlut a, mahse tun thlengin charge­sheet erawh siamsak a la ni lo.