US-a lehkha zir tura kal an pung
India mi, US-a lehkha zir tura kal chu nikum aiin 5.4% in an pung niin 2018 Open Doors Report on International Educational Exchange chuan a tarlang.
US-ah hian India mi lehkha zira awm hi mi nuai hnih dawn an tling. Ram hrang hranga aṭanga US-a zirlai awm hi maktaduai khat an chuang a ni.
Ram hrang hrang zingah China leh India chauh chu kum hmasa lam aia US-a zirlai tir lut hnem ram an ni. Ramdang aṭanga zirlai kal tam zual zingah South Korea, Saudi Arabia leh Canada an tel. Mahse South Korea aṭanga kal hi kum hmasa lam aiin 7%, Saudi Arabia 15% leh Canada 4% in an tlahniam thung.
American univeristy zingah interna-tional student tam zualnate chu New York University, University of Southern California, Boston’s North-eastern University, Columbia University leh Arizona State University te an ni.