Covid-19 warrior fate tan MBBS seat panga dah

Sorkar laipui chuan academic year 2020-2021 atana  MBBS zir tur laknaah central pool hnuaia seat panga chu Covid-19 dona kawnga an nunna chan, Covid-19 fa leh an lainate tan a dah. 

Union health minister Harsh Vardhan chuan he ruahmanna hi Covid-19 dona kawnga theihtawp chhuah a, an nunna hial chante zahna leh ngaihhlutna an lantirna a nih a sawi. 

Health ministry chuan central pool MBBS seat diltu condidate-te lakna kawngah hemi atan hian category thar, 'Wards of Covid Warriors' tih a dah thar a ni. He category hnuaia MBBS seat diltu chu Medical Council Committee (MCC) in a thlang dawn a, candidate-te chu National Testing Agency-in NEET-2020 a buatsaiha an rank a zirin thlan an ni ang.