India-in dealth penalty thlawp lo

UN General Assembly-in thi tura hremna, dealth penalty hman chungchanga draft resolution a siam chu India chuan a thlawp lo.

UN General Assembly Third Committee (Social, Humanitarian, Cultural)-a draft resolution ngaihtuahnaah, a thlawp lamah vote 123 tlain, a duh lo lamah vote 36 a tla a, vote thlak lo 30 an awm bawk.

India chu resolution duh lo lamah telin, India Permament Missoin to UN-a First Secretary Paulomi Tripathi chuan he resolution hi India ram dan nena inkalh a ni, a ti. India ramah chuan thi tura hremna pek hi a thleng khatin, case dangdai bik tak, ram pumin pawhin pawikhawihna rapthlak leh tenawm an dem rawn thilah chauh hman a ni, a ti.

Triparthi-i chuan India ramah chuan thi tura hremna pek chu court sang berin a pawmpui a ngai a, thiam loh chantir pawhin a appeal thei tih a sawi bawk. President chuan thubuai zawng zawngah ngaihdamna pe turin thuneihna a nei a, Governor-te pawhin an awmna state-ah ṭheuh thuneihnan an nei bawk tih a sawi.

UN draft resolution chungchangah hian debate neih chhunzawm a ni a, Singapore chuan ram 34-te aiawhin ram tinten anmahni legal system an siamna tura an dikna neihte nemnghehna tura siamṭhat a rawnta chu Committee chuan a pawmsak a ni. Hei hi India pawhin a thlawp thung.