Inthlan neihna tur Telangana-ah cheng vbch 70 man

State assembly inthlan neihna tur, Telengana state hmun hrang hrang dapnaah cheng vaibelchhe 70 man a ni tawh tih poll official chuan a sawi.

Telangana Chief Electoral Officer Rajat Kumar chuan Model Code of Conduct hman a ni hnuah vote zawnna atana hman tum, cheng vaibelchhe 70 man a nih bakah, zu cheng vaibelche 6.70 man an man tawh thu a sawi bawk.

Political party ṭhenkhat chuan chi bing leh sakhaw behchhanin vote zawn an tum tih a sawi bawk a, hetiang thil hi phal a nih loh thu a sawi.

December 7-a assembly seat 119-a inthlan neihna tur, Telangana-ah hian Ningani thleng khan inthlan chuh tuma nomination thehlut mi 540 an awm tawh. Nomination paper hi November 19 thleng thehluh theih a ni.