HC paruk-a judge tur 34 ruat

Sorkar laipui chuan kar kalta Inrinni khan High Court paruk-a judge tur 34 a ruat a, heng mite nen hian kumin chhunga High Court judge ruat thar hi 100 an chuang tawh a ni.

Inrinni-a High Court judge thar ruat zinga 28 hi Allahabad HC tana ruat a ni a, Arunachal Pradesh-a tribal mi pakhat chu HC judge thar atana ruat zingah hian telin, an hnam zinga he dinhmun chelh thei hmasa ber a ni.

Allahabad HC judge atana mi 25 ruat zinga 15 chu lawyer niin, judicial officer 13 an tel bawk. Gauhati High Court atan judge pahnih ruat an ni bawk. Meghalaya, Delhi, Orissa leh Madras High Cour-te tan judge pakhat ṭheuh ruat thar an ni bawk.

Allahabad HC-in judge a neih theih zat hi 160 niin, judge 89 an awm mek a, tuna ruat tharte nen hian 117 an awm tawh dawn a ni. High court dang zinga hmun ruak la tam zualnate chu Telangana and AP HC niin hmun ruak 50% dawn a la awm a, Delhi HC-ah pawh hmun ruak 45% awmin, Calcutta HC-ah hmun ruak 50% chuang a awm bawk. High Court hrang hranga thubuai tihkhawlai awmte hi nuai 43 chuang a tling tawh a ni.