Hri leng vangin tourism sector-ah mi mtd 21.5 in an hna an chan

Union tourism minister G Kishan Reddy chuan kum 2020 kumtir lama India rama Covid-19 hri a len tirh aṭang khan hri leng thawh thumna thlen thlengin, tourism sector hnuaia mi maktduai 21.5 velin an hna an chan tawh a ni, a ti.

Nimin Lok Sabha inkhawma Question Hour-ah he thu hi sawiin, Minister Reddy chuan Covid-19 hri leng thawh khatna thlen lai khan ram dang aṭanga khualzin rawn lut chu 93% in a tlahniam a, hril leng thawh hnihnaah 79% leh a thawh thumnaah 64% in an tlahniam tih a sawi.

Reddy chuan, "Hripui lengin tourism sector a nghawng dan hi zirchianna kan buatsaih a, heta tang hian hri leng thawh khatnaah he sector hnuaia thawk mi maktaduai 14.5 in an hna an chan a, hri leng thawh hnihnaah mi maktaduai 5.2 leh a thawh thumnaah mi maktaduai 1.8 in hna an chan tih a lang a ni," a ti. Hripui len hma khan tourism industry-a inhnamhnawih hi mi maktaduai 38 vel an awm tih a tarlang bawk.

Hri leng hian India ramah chauh ni lo, khawvel huapin tourism sector hi a nghawng na hle tih Minister chuan a sawi. Hei vang hian he sector chawikanna turin sorkar chaun travel and tourism stakeholder-te hnenah loan, a pung awm loin Rs nuai 10 leh tourist guide hnenah Rs nuai khat chin a pe tih a sawi. State sorkar hrang hrangte pawh tourism sector hi an theih dan anga dawmkang turin a ngen bawk a ni.