Amritsar-a bomb tipuaktu chanchin hrilh theitu tan lawmman siam

Punjab Chief Minister Amarinder Singh chuan Pathianni-a Amritsar-a grenade tipuaktute chanchin hrilh thei hnenah lawmman cheng nuai 50 pek a tiam. Grenade puak vang hian mi pathum an thi a ni.

Official-te chuan bomb tipuaktute hrilh thei hnena lawmman pek an nih bakah, a hrilhtu nihna chu thupsak tlat a ni dawn tih an sawi. Hemi atan hian Punjab Police helpine - 181 siam a ni.

CM hian nimin khan bomb puahna hmun hi a tlawh a, Pathianni zan khan National Investigation Agency chuan investigator leh explosive expert-te nen an lo tlawh tawh bawk. Punjab top official-te an kawm nghal a ni.

Pathianni khan Amritsar khawdai, Rajasansi-a Nirankari Bhavan prayer hall-a ṭawngṭaina hun hman laiin bike-a chuang mi pahnih chuan grenade vawm lutin a puak a, mi pathum an thih bakah midang 20 chuangin hliam an tuar a ni.