Rural Housing Scheme hnuaiah in vbc 1.75 sak a ni tawh

Sorkar laipui chuan rural housing scheme, Pradhan Mantri Awaas Yojana - Gramin (PMAY-G) hnuaiah chenna in vaibelchhe 1.75 sak zawh a ni tawh tih Nilainia Parliament inkhawmah a sawi.

Rajya Sabha-a zawhna ziaka a chhannaah, union minister for rural development Sadhvi Niranjan Jyoti chuan, PMAY-G hnuaiah hian beneficiary vaibelchhe 2.28 tana in sakna tur sanction a ni a, kumin March 9 thleng khan heng zinga vaibelchhe 1.75 chu sak zawh a ni tawh a ni, a ti.

Minister chuan, "PMAY-G guideline-ah chuan beneficiary hnenah in sakna tur sum pekchhuah a nih aṭanga thla 12 chhunga sak zawh tura tih a ni. Sum hi thawh thumin pek ṭhin a ni," a ti a, mahse Covid-19 hri leng vanga ram puma lockdown khan in sak thleng hian a nghawng tih a sawi.

Union cabinet chuan PMAY-G hnuaia in sak hmabak la awmte zawhfel an nih theihna turin union cabinet chuan he scheme hi kum 2024, March thla thlenga kalpui chhunzawm tura a pawm thu a sawi bawk.