DRDO-in ni 45 chhungin in chhawng 7-a sang sa zo

Defence Research and Development Organisation (DRDO)-in ni 45 chhunga a sak zawh, Bengaluru-a Aeronautical Development Establishment (ADE) -a Flight Control System (FCS) complex thar chu nimin khan defence minister, Rajnath Singh-a'n a hawng.

DRDO chuan he building hi In-House Developed Hybrid Technology hmangin a sa a, a building hi Advanced Medium Combat Aircraft (AMCA) fifth-generation puala research and development facility atan hman a ni ang.

He building sakna tur lungphum hi kum 2021, November 22 khan phum niin, kumin February 1 aṭang khan sak ṭan a ni. Record siamin, ni 45 chhung lekin an sa zo thei a ni.