Australia-ah President a zin dawn

President Ram Nath Kovind chu ni li cham turin vawiin hian Australia-ah a zin dawn. India President zinga Australia ram tlawh hmasa ber tur a ni.

President hi Vietnam ramah a awm mek a, vawiin hian Hanoi aṭangin Sydney a pan dawn a ni. A cham chhung hian Australia ram hruaitute chu ram pahnihten inzawmna nghet leh ṭha zawk an neih theih dan turte a sawipui ang.

Kovind hian Governor-General Peter Cosgrove sawmna angin Sydney leh Melbourne a tlawh dawn a, Sydney-ah hian lawmna hun buatsaih niin, hemi hnu hian Cosgrove nen hian an inkawm zui dawn a ni.

President hian Australia Prime Minister Scott Morrison pawh a hmu dawn a, hruaitu pahnihte hian New South Wales-a Parramatta-a Mahatma Gandhi piancham vawi 150-na lawmna kal zela a lim siam chu an hawng dun dawn a ni. Australian Financial Review Business summit-ah thu a sawi dawn a, Australia-India Business Council (AIBC) te annual dinner siamah a tel bawk ang. Zirtawpni-ah Melbourne-ah kalin Victoria Governor Linda Dessau nen an inhmu dawn a ni. President hian University of Melbourne-a zirlai hmaah thu a sawi dawn bawk.

India leh Australia ram insumdawn tawnna hi US dollar maktaduai 19.7 hu a ni. Australia ramah hian India mi zirlai 70,000 vel zet an awm bawk a ni.

President hi Minister of State for Skill Development and Entrepreneurship Anant Kumar Hegde, parliamentarians Kamakhya Prasad Tasa leh Heena Vijaykumar Gavit te bakah senior official-ten an ṭawiawm.